Pesë aksidente zinxhir në autostradat A1 dhe A13 në St. Gallen, ka të lënduar

Pesë përplasje nga mbrapa në A1 dhe A13, dëme mbi 100 mijë franga

Të enjten, në autostradat A1 dhe A13 në kantonin St. Gallen janë regjistruar pesë aksidente trafiku, të gjitha si pasojë e përplasjeve nga mbrapa, njofton Kantonspolizei St. Gallen, përcjell albinfo.ch.

Aksidentet ndodhën në zonat Rorschacherberg, Weite, Thal, Wil dhe Salez, gjatë pasdites dhe orëve të hershme të mbrëmjes. Trafiku i dendur detyroi drejtuesit të frenojnë papritur, duke shkaktuar përplasjet zinxhir.

Si pasojë e aksidenteve, dëmet materiale kapin vlerën mbi 100 mijë franga zvicerane, ndërsa në aksidentin në Wil u lënduan një foshnjë dhe një fëmijë dyvjeçar, të cilët u dërguan në spital për trajtim mjekësor./Albinfo.ch

---