Federer hyn në listën e miliarderëve, ja renditja e Top 10

Për herë të parë në listën e miliarderëve është futur edhe Roger Federer. Ish-tenisti sot ka një pasuri të vlerësuar rreth 1.1 miliardë dollarë

Lista e njerëzve që revista Forbes i rendit si miliarderë po rritet.

Në vitin 2026, ajo përfshin më shumë gra dhe më shumë të rinj – por mbi të gjitha më shumë pasuri.

Forbes vlerëson se këtë vit ka 3428 persona që posedojnë të paktën një miliard dollarë, shkruan watson.ch, transmeton albinfo.ch.

Në total, kështu grumbullohet një pasuri kolektive prej 20.1 trilionë dollarësh amerikanë. Kjo është plot 4 trilionë më shumë se në vitin 2025.

Me diferencë të madhe, numri më i madh i miliarderëve jetojnë në Shtetet e Bashkuara: 989 nga 3428, ndër ta 15 persona janë në mesin e 20 më të pasurve në botë.

Në mesin e miliarderëve amerikanë ndodhet edhe vetë presidenti i SHBA-së (në vendin 645) si dhe pesë persona nga administrata e Trump-it.

Për herë të parë në listën e miliarderëve është futur edhe Roger Federer. Ish-tenisti sot ka një pasuri të vlerësuar rreth 1.1 miliardë dollarë.

Njeriu më i pasur në planet është Elon Musk, që zotëron Tesla dhe SpaceX me 829 miliardë dollarë, derisa Jeff Bezos ka rënë në pozitën e katërt.

---