Tragjedia në Kerzers: Në autobus ishin 9 persona, 3 të plagosur

Sipas informacioneve zyrtare, zjarri shpërtheu më 10 mars dhe u përhap me shpejtësi brenda autobusit, duke shkaktuar pasoja fatale

Autoritetet zvicerane kanë bërë të ditur se në momentin e zjarrit tragjik në autobusin e PostBus në Kerzers ndodheshin gjithsej 9 persona, përfshirë shoferin dhe tetë pasagjerë.

Nga kjo ngjarje e rëndë, 6 persona humbën jetën, ndërsa 3 të tjerë mbetën të plagosur, disa prej tyre me lëndime serioze, transmeton albinfo.ch.

Sipas informacioneve zyrtare, zjarri shpërtheu më 10 mars dhe u përhap me shpejtësi brenda autobusit, duke shkaktuar pasoja fatale. Autoritetet janë duke hetuar rrethanat e plota të ngjarjes, ndërsa dyshohet se bëhet fjalë për një akt të qëllimshëm.

Ngjarja ka tronditur opinionin publik në Zvicër, duke ngritur shqetësime për sigurinë në transportin publik dhe reagimin në situata emergjente.

Hetimet vazhdojnë, ndërsa autoritetet pritet të publikojnë detaje të reja në ditët në vijim.

---