Nik Xhelilaj: Sot ikin shqiptarët në Gjermani, ndoshta një ditë gjermanët ikin për në Shqipëri!

Aktori shqiptar, Nik Xhelilaj, i cili është përzgjedhur për të luajtur rolin e Winnetou-s, ka dhënë një intervistë për “Deutsche Welle”, ku ka folur për filmin e ri, por edhe për refugjatët shqiptarë në Gjermani.

Aktori 32-vjeçar me orgjinë shqiptare, Nik Xhelilaj, ka pranuar për të xhiruar rolin klasik të personazhit të preferuar indian, Winetous, i cili do të shfaqet në vitin 2016 në RTL. Ky personazh është i njohur nga romanet e shkrimtarit gjerman, Karl Maya. Ai në këtë film do të zëvendësojë aktorin që la mbresa te publiku gjerman, Pierre Brice.

Xhelilaj ka thënë se më herët nuk ka pasur njohuri me historitë nga Gjermania dhe nga ato nga bota Western. Kur ka marrë ftesën nga agjencia për audicion, ka qenë paksa i habitur, por më pas gjithçka ka shkuar mirë.