Që nga pandemia, hendeku mes pagave gjithnjë në rritje

Pagat e drejtorëve ekzekutivë janë rritur me 54 për qind midis viteve 2019 - 2025 ndërsa pagat e punonjësve janë ulur realisht me 12 për qind

Hendeku në mes të pagave midis menaxherëve të lartë dhe punonjësve është zgjeruar ndjeshëm që nga pandemia COVID-19.

Ky është përfundimi i një analize të realizuar nga organizata e zhvillimit Oxfam dhe Konfederata Ndërkombëtare e Sindikatave, e publikuar në Ditën e Punës, 1 maj, shkruan srf.ch.

Analiza ka zbulur se pagat e drejtorëve ekzekutivë, të përllogaritur për paritetin e fuqisë blerëse, janë rritur me një mesatare prej 54 për qind midis viteve 2019 dhe 2025.

Por, gjatë së njëjtës periudhë, pagat reale për punonjësit kanë shënuar ulje me 12 për qind në të gjithë botën, trnsmeton albinfo.ch. Prandaj, Oxfam po bën thirrje për taksa më të larta për super të pasurit në nivel global.

Sipas Oxfam, analiza është mbështetur mbi vlerësimin që u ka bërë 1,500 kompanive me pagat më të larta në 33 vende.

---