Kryeministrja italiane: Evropa duhet të “forcojë sigurinë tonë” pas grindjes së SHBA-së me Gjermaninë

Keystone (AP Photo/Andrew Medichini)

Kryeministrja e Italisë, Giorgia Meloni, ka thënë se Evropa duhet të rrisë “kapacitetin e saj të reagimit”, pasi Shtëpia e Bardhë kërcënoi të zvogëlojë praninë ushtarake amerikane.

“Nuk mund t’ju them se çfarë do të ndodhë. SHBA-të kanë diskutuar për shkëputjen e tyre në Evropë për ca kohë, prandaj mendoj se duhet të forcojmë sigurinë tonë dhe të rrisim kapacitetin tonë të reagimit. Është një zgjedhje që nuk varet nga unë dhe me të cilën personalisht nuk do të pajtohesha”, ka deklaruar ajo.

Ndryshe, gjatë fundjavës, presidenti i SHBA-së, Donald Trump, deklaroi se ushtria amerikane do të tërhiqte 5,000 trupa nga Gjermania, pasi kancelari Friederich Merz, dënoi qasjen e Uashingtonit ndaj negociatave me Iranin, transmeton albinfo.ch.