Tregu zviceran i punës shënoi një përmirësim të lehtë në tremujorin e tretë.
Indeksi i Tregut të Punës në Zvicër, i përpiluar nga Adecco në bashkëpunim me Universitetin e Cyrihut, u rrit me 0,8 pikë, si në krahasim me tremujorin e mëparshëm, ashtu edhe në krahasim me të njëjtën periudhë të vitit të kaluar, duke arritur në 131,5 pikë.
Kjo prirje është nxitur kryesisht nga profesionet manuale dhe teknike, ku në krye të listës renditen punëtorët e ndërtimit, shkruan swissinfo. Pas tyre vijnë elektricistët dhe mekanikët me aftësi të gjithanshme, sipas një njoftimi për shtyp të publikuar të enjten nga gjiganti i rekrutimit, transmeton albinfo.ch.
Autorët e raportit vlerësojnë gjithashtu se një e katërta e profesioneve të përmendura përballen me një rrezik të moderuar automatizimi, të mundësuar nga inteligjenca artificiale.
Vetëm 2% e tyre konsiderohen se janë në rrezik të lartë.
