Furnizimi me benzinë dhe naftë që po kalon një kohë të vështirë në gjithë botën është bërë problematik edhe në Zvicër.
Kjo po ndodh për shkak, pjesërisht, të luftës me Iranin dhe niveleve të ulëta të ujit të lumit Rin (që përdoret për transportimin e lëndëve djegëse nga portet e mëdha detre të Gjermanisë dhe Holandës) të cilat po shkaktojnë probleme me furnizimin, transmeton albinfo.ch
Qeveria federale ka lëshuar në treg tashmë disa nga rezervat e saj të detyrueshme të naftës, shkruan srf.ch.
Përtej kësaj ajo gjithashtu po bën përgatitje për të kufizuar potencialisht kufirin e shpejtësisë në autostrada në 80 kilometra në orë që do të ulte nivelin e përdorimit të karburanteve.
Zyra Federale për Furnizim Ekonomik Kombëtar ka paraqitur një propozim përkatës për konsultim ndëragjencor, sipas gazetave CH Media.
Një zëdhënës i Zyrës Federale deklaroi se kjo është bërë për të siguruar që masa të përgatitet. Popullsia së pari do të nxitet të kursejë karburant.
