Përzgjedhësi i Gjermanisë, Jürgen Klopp, ka publikuar të enjten listën e futbollistëve të ftuar për dy ndeshjet e radhës në Ligën e Kombeve, ku përfshihet edhe talenti me prejardhje shqiptare, Brajan Gruda, transmeton albinfo.ch.
Futbollisti 22-vjeçar i RB Leipzigut është në mesin e 24 lojtarëve të përzgjedhur për përballjen me Serbinë, më 13 nëntor në Beograd, dhe atë me Holandën, më 16 nëntor në Berlin.
Kjo është një tjetër mundësi për Grudën, i cili ishte ftuar edhe në grumbullimin e kaluar të Gjermanisë, por nuk arriti të paraqitej për shkak të një lëndimi. Ai ende nuk ka regjistruar asnjë ndeshje me ekipin e parë të Gjermanisë, ndonëse ka përfaqësuar vendin në grupmoshat e ndryshme.
Gruda synon që kësaj radhe ta shfrytëzojë ftesën dhe të debutojë me përfaqësuesen A të Gjermanisë.
Futbollisti me prejardhje shqiptare është pjesë e RB Leipzigut, ku luan në formë huazimi nga Brighton. Ai konsiderohet një prej talenteve të rinj të futbollit gjerman dhe ka fituar vëmendje me paraqitjet e tij në nivel klubesh./Albinfo.ch
