10 qytetet më të mira për të jetuar, në mesin e tyre edhe tri zvicerane

Në vendin e parë ndodhet Vjena, që pasohet nga Cyrihu, Munih, Duseldorf, Frankfurt, Gjenevë, Kopenhagë dhe Bazeli

Gjeneva

Vjena është e njohur për kafenetë, arkitekturën historike, vendet e bukura dhe për të tetin vit radhazi ka fituar ‘garën’ për qytetin më të mirë për cilësinë e jetesës në botë, shkruan ‘marketwatch.com’.

Kjo listë është bërë nga firma konsulente “Mercer”, me bazë në Nju Jork, përcjell albinfo.ch.

“Me 850 parqe dhe hapësira të gjelbra dhe 100 mijë pemë që rreshtojnë rrugët, Vjena ka më shumë gjelbërim se të gjitha qytetet tjera të mëdha”, thuhet në raportin për Vjenën e Austrisë.

Vjena pasohet nga Cyrihu, Munih, Duseldorf, Frankfurt, Gjenevë, Kopenhagë dhe Bazel, që për herë të parë ndodhet në këtë listë. Qytetet e vetme jo-evropiane janë Auckland në Zelandën e Re dhe Vancouver në Kanada. San Francisco (nr. 29) ishte qyteti më i lartë i SHBA-së, i ndjekur nga Boston (35), Honolulu (36), Nju Jork (44) dhe Seattle (45).

Për bazë është marrë infrastruktura e qytetit, energjia, uji i pijshëm, shërbimet e telefonit dhe postës, transportin publik dhe trafikun.