11 euro taksë kthyese për 113 km Kumanovë-Gostivar

Këto ditë po diskutohet shumë për taksën rrugore në Rrugën e Kombit, ku veturat do të paguajnë 5 euro në një drejtim.

Por, një autostradë në rajon është edhe më shtrenjtë.

Autostrada Kumanovë-Gostivar me gjatësi 113 km, ka gjithsej gjashtë vendpagesa rrugore ku kalimtari me veturë duhet të paguajë për një drejtim 240 denarë, nëse paguani me euro do të ju kushtojë 5.50 euro, shkruan “INA”.

Kjo shumë paguhet edhe në kthim, pra shkuarje-ardhje 480 denarë ose 11.00 euro, përcjell albinfo.ch.

Por këto pika të pagesës janë në kryqëzim, pasi që dy pika janë në Autostradën e Korridorit 10 dhe katër pika në Korridorin 8.