11-vjeçares ia heqin shaminë nga koka dhe i shkulin flokët

Në momentin që një vajzë njëmbëdhjetëvjeçare nga Osnabrücku në Gjermani po hipte nga autobusi, një person i panjohur ia ka hequr shaminë nga koka. Autori ka qenë në një grup prej disa personave të cilët paraprakisht kishin dalë nga një kafene

Policia gjermane tani është në kërkim të një personi, i cili në stacionin e autobusëve ia ka hequr shaminë nga koka një vajze njëmbëdhjetëvjeçare, shkruajnë mediat gjermane, përcjell Albinfo.ch.

Vogëlushja ka dashur të hipë në autobus, kur papritmas personi ia ka rrëmbyer shaminë nga koka.

Sipas një zëdhënësi policor nga Osnabrücku, nuk përjashtohet mundësia që veprimi i tillë të ketë prapaskenë ksenofobike. Vogëlushes i janë shkulur edhe disa qime flokë, fillon të qajë dhe vazhdon rrugën për në shtëpi.

Sulmuesi ka qenë në një grup prej pesë deri gjashtë personash, të cilët dyshohet se pak kohë më herët kanë dalur nga një kafene. Ngjarja ka ndodhur pasditen e së shtunës në afërsi të stadiumit në Osnabrück.

Është shumë e mundur që sulmuesi të jetë ndonjë nga tifozët e futbollit të cilët paraprakisht e kanë shikuar ndeshjen në mes VfL Osnabrück dhe Carl Zeiss Jena.