113 raste të reja me COVID-19 në Kosovë, 69 të shëruar

Instituti Kombëtar i Shëndetësisë Publike (IKSHPK) ka njoftuar se sot nga 266 mostra të marra nga Klinika Infektive dhe gjurmimi i kontakteve të rasteve në teren, janë konfirmuar edhe 113 raste të reja me coronavirus.

Rastet pozitive janë nga: komuna e Prishtinës 36 raste, komuna e Ferizajt 15 raste, komuna e Gjilanit 12 raste, komuna e Prizrenit 11 raste, komuna e Mitrovicës 10 raste, komuna e Fushë Kosovës 6 raste, komuna e Vushtrrisë 6 raste, komuna e Drenasit 3 raste, komuna e Vitisë 2 raste, komuna e Skenderajt 2 raste, komuna e Suharekës 2 raste dhe me nga 1 rast komunat: Gjakovë, Kamenicë, Malishevë, Obiliq, Pejë, Podujevë, Rahovec dhe Shtime.

Ndërsa, është raportuar për 69 pacientë të shëruar, transmeton albinfo.ch.

IKSHPK ka bërë apel tek qytetarët të vendosin maskat dhe të mbajnë distancën fizike si masë parandaluese ndajë përhapjes së virusit COVIDD-19.