12 viktima dhe 766 raste të reja me COVID-19 në Maqedoni

KEYSTONE/EPA/GEORGI LICOVSKI

Ministria e Shëndetësisë njofton se në 24 orët e kaluara janë kryer 3.748 teste, ndërsa janë regjistruar 766 raste me COVID-19.

Instituti për Shëndet Publik ka regjistruar 486 pacientë të shëruar nga koronavirusi.

Në 24 orët e kaluara janë konfirmuar 12 viktima nga koronavirusi. 4 të vdekur nga Shkupi (63, 65, 80 dhe 81), 2 të vdekur nga Manastiri (80 dhe 82) dhe nga një i vdekur nga Ohri (58), Gjevgjelia (72) , Kavadari (67), Kriva Pallanka (74), Koçani (48) dhe Demir Hisari (82).

Po ashtu në regjistrin “Termini im” janë regjistruar edhe 3 viktima nga koronavirusi. Nga një i vdekur nga Shkupi, Gostivari dhe Dibra, të cilët kanë ndërruar jetë në periudhën 03.01 – 11.01.2022. Të vdekurit janë të moshës nga 62 deri në 75 vjeç.

Numri i përgjithshëm i personave të diagnostikuar me COVID-19 në Maqedoni që nga fillimi i epidemisë është 245.398, numri i të shëruarve është 220.886, numri i të vdekurve është 8.115, ndërsa numri i rasteve aktive ka arritur në 16.397.