15 viktima dhe mbi 600 të lënduar

Vazhdon të rritet numri i viktimave nga tërmeti i fuqishëm në Shqipëri

Nga tërmetet e njëpasnjëshme që goditën Shqipërinë, raportohet se numri i viktimave ka arritur në 15 dhe qindra të tjerë të lënduar.

Forcat e kërkim-shpëtimit vazhdojnë operacionet e vështira për të shpëtuar banorët e ngujuar në gërmadha, raportojnë mediat shqiptare, përcjell albinfo.ch.

Nga spitali i traumës ka folur ministrja e Shëndetësisë së Shqipërisë, Ogerta Manastirliu e cila ka bërë edhe një bilanc të rasteve të paraqitura nëpër spitale.

Mbetemi në gatishmëri maksimale në të gjitha spitalet. Është bërë një punë e jashtëzakonshme nga të gjithë për të përballuar këtë situatë aspak të lehtë për ne.

Janë më shumë se 600 të lënduar që janë paraqitur në spital.

Spitali i Traumës

Është 38 është numri i të lënduarve që ndodhen ende në spital ku 9 janë rastet më të rënda dhe janë në observim. Janë mjekët që do të flasin më shumë.

Spitali Durrës

25 të lënduar në reparte.

---