BE: 2 milionë të papunë më pak se një vit më parë

Numri i përgjithshëm i të papunëve të regjistruar në të gjitha, 28 shtetet anëtare të BE-së, në fund të gushtit ka qenë 18.75 milionë veta

Shkalla e papunësisë në shtetet e Bashkimit Evropian në fund të muajit gusht kishte zbritur në 7.6 për qind. Kjo i bie që në krahasim me gushtin e një viti më parë është shënuar një ulje prej 0.8%, bën të ditur Zyra Evropiane e Statistikës, Eurostat në një njoftim të publikuar sot.

Numri i përgjithshëm i të papunëve të regjistruar në të gjitha, 28 shtetet anëtare të BE-së, në fund të gushtit ka qenë 18.75 milionë veta. Kjo shifër është për afër 2 milionë më  e vogël se ajo e gushtit të një viti më parë, transmeton albinfo.ch.

Shkallën më të ulët të papunësisë e kanë pasur në maujin gusht: Çekia, me 2.9 për qind, Gjermania, 3,6 për qind dhe Malta, 4,2 për qind. Ndërsa shkalla më e lartë, 21.2% është regjistruar në Greqi dhe 17.1% në Spanjë