3375 veta heqin dorë nga shtetësia e Kosovës

Pasi që në disa nga vendet e BE-së dyshtetësia nuk lejohet, një numër i madh i kosovarëve,heqin dorë nga nënshtetësia kosovare

Vetëm gjatë vitit 2013, kanë qenë 3.375 persona që kanë hequr dorë nga shtetësia kosovare për arsye të mbajtjes ose fitimit të një pasaporte të huaj. Por ndryshe nga zyrtarët e ministrisë e mendojnë sociologët. Sipas tyre, kjo nuk është arsyeja e vetme që justifikon këtë veprim.

Arsyeja më e madhe, thonë ata, është se tek shumica e qytetarëve është krijuar një realitet jo shumë i favorshëm për një mirëqenie më të mirë individuale dhe familjare, shkruan tch.

“Prandaj, ata i drejtohen vendeve jashtë Kosovës për t’i arritur të gjitha këto dhe për këtë duhet të heqin dorë nga nënshtetësia”, thonë sociologët.

Në komunën e Prishtinës që nga fillimi i vitit 2014 kanë qenë gjithsej 13 kërkesat për lirim nga nënshtetësia kosovare.