42 vjet nga demonstratat e ’81-ës

Zyra e Kryeministrit te Kosoves

Në 42-vjetorin e demonstratave të studentëve në vitin 1981 Shoqata e ish të burgosurve politikë është vizituar nga kryeministri i Kosovës, Albin Kurti.

Atë e mirëpriti kryetari i shoqatës, Shefik Sadiku, ku u rikujtua e gjithë historia e atyre ditëve si fillim të një procesi që çoi deri në zhbërjen e Jugosllavisë e deri në çlirimin e vendit.

“Forca, guximi dhe organizimi i studentëve, rinisë dhe punëtorëve atëbotë përballë shtypjes së dhunshme dhe padrejtësisë sistematike janë shembull i vetëdijes që duhet ndjekur për çdo ditë dhe përkujtuar për çdo vit”, ka thënë Kurti.

Po ashtu, demonstratat e ’81 u kujtuan edhe nga Universiteti i Prishtinës “Hasan Prishtina” që shënoi 42-vjetorin.

Demonstratat e vitit 1981 u nisën si protesta të studentëve për kushte më të mira dhe trajtim të barabartë, megjithatë mbështetja për studentët erdhi nga të gjithë shqiptarët e Kosovës në kërkesën e tyre për liri, të drejta e Republikë.