5 emigrantë të vdekur në ditë brenda 2011-ës

Vitin e kaluar mesatarisht pesë njerëz në ditë kanë vdekur në përpjekje për të kaluar ilegalisht kufijtë e BE-së.

Së paku 2 mijë njerëz kanë gjetur vdekjen vitin e kaluar në kufijtë e jashtëm të BE-së, thotë rrjeti “Migreurop” në Paris.

Rrjeti përfshin rreth 40 organizata nga Evropa e Afrika dhe angazhohen për një qasje të lirë në Bashkimin Evropian.

Shifrat për vitin 2011 janë më të larta se vitin e kaluar për shkak të operacionit ushtarak kundër Libisë.

“Migreurop” thotë se në 20 vjetët e fundit në kufijtë e jashtëm evropianë të paktën 16.250 emigrantë kanë vdekur si pasojë e fundosjes, urisë dhe nga të ftohtit.

Pothuajse 13 mijë emigrantë janë zhdukur në det në kufijtë jugorë të BE-së dhe rreth 6 mijë në Gjirin e Sicilisë, 2500 në Gjibraltar dhe pothuajse 3 mijë në afërsi të ishujve Kanarie.

Kufiri dërmjet Polonisë dhe Ukrainës ishte një tjetër zonë tepër vdekjeprurëse për refugjatët.

Statistikat janë bazuar në një listë nga një organizatë në Amsterdam, e cila ka siguruar të dhënat nga artikujt e gazetave dhe nga punonjësit lokalë.

Sipas një versioni që ishte në dispozicion të agjencisë së lajmeve AFP, këtë vit deri më 25 tetor kanë gjetur vdekjen 722 njerëz në kufijtë e jashtëm të BE-së.

Rrjeti “Migreurop” është shprehur kundër politikave kufizuese të emigracionit. Përforcimi i kontrollit nëpër kufij, sipas tyre, vetëm sa rrezikon jetën e emigrantëve, por nuk ndal fluksin e tyre.