65.3 milionë njerëz të zhvendosur në mbarë botën

Shumë prej tyre duke ikur nga luftërat janë përballur me pengesa të reja, ligje më të ashpra dhe ksenofobi nëpër kufij, tha UNHCR në një raport të titulluar “Global Trends”. Bëhet fjalë  për të dhënat që kanë të bëjnë për vitin 2015. Në raport thuhet se bazuar në numrin e përgjithshëm të popullatës së botës […]

Shumë prej tyre duke ikur nga luftërat janë përballur me pengesa të reja, ligje më të ashpra dhe ksenofobi nëpër kufij, tha UNHCR në një raport të titulluar “Global Trends”. Bëhet fjalë  për të dhënat që kanë të bëjnë për vitin 2015.

Në raport thuhet se bazuar në numrin e përgjithshëm të popullatës së botës prej 7.4 miliardë, një në 113 njerëz në botë janë tani ose azilkërkues, të zhvendosur ose refugjatë.

Luftimet në Siri, Afganistan, Burundi dhe Sudanin Jugor shkaktuan eksodin e fundit, tha UNHCR në një raport të publikuar me rastin e Ditës Ndërkombëtare të Refugjatëve.

Vitin e kaluar vendet e zhvilluara kanë vendosur një rekord me 2 milionë azilkërkues të rinj, thuhet në raport. Gati 100.000 fëmijë janë të pashoqëruar apo të ndarë nga prindërit e tyre, e cila është tri herë më shumë se më parë, më 2014.

Gjermania, ku çdo i treti azilkërkuesit është me origjinë nga Siria, është duke udhëhequr me 441,900 aplikime për azil, e ndjekur nga SHBA-ja me 172.700 dhe shumica e kërkuesve të azilit afrikanë kanë ikur nga përleshjet mes bandave të drogës në Meksikë dhe në Amerikën Qendrore.

Në vendet në zhvillim janë ende duke u vendosur 86 për qind e refugjatëve në botë, kryesisht në Turqi, e cila ka 2.5 milionë sirianë, e ndjekur nga Pakistani dhe Libani, thuhet në raport.

Azilkërkuesit, të cilët kanë ikur nga varfëria, konflikti dhe persekutimi, po përballen gjithnjë e më shumë me pengesa dhe nga ksenofobia, thuhet në raportin e UNHCR-së.