68.000, numër rekord azilkërkuesish në Gjermani

Megjithëse bëhet fjalë për një numër të madh azilkërkuesish, ky numër është dukshëm më i vogël se ai i viteve 1995-2000, kur arrinte rregullisht mbi 100 mijë sish

Numri i azilkërkuesve në Gjermani ka shënuar një rritje të madhe gjatë vitit që po shkon, shkuan “Handelsblatt online” duke iu referuar të dhënave nga Zyra Federale për Migracion.

Kështu, përderisa në vitin 2011 në këtë shtet kishin kërkuar azil 46000 veta, në vitin 2012 këtë e kanë bërë 68000 veta ose rreth 50 për qind më shumë. Ky është njëherësh numri më i madh i azilkërkuesve, i shënuar që prej 10 vitesh.

Një numër veçanërisht i madh i personave që kanë kërkuar azil në Gjermani vijnë nga Serbia dhe nga Maqedonia. Pas tyre, për nga numri vijnë azilkërkuesit nga Afganistani, Siria dhe Iraku.

Megjithëse bëhet fjalë për një numër të madh azilkërkuesish, ky numër është dukshëm më i vogël se ai i viteve 1995-2000, kur arrinte rregullisht mbi 100 mijë sish