78-vjeçari kërcënon 25-vjeçare me revole për t’ia liruar ulësen në tren

Ai i kishte thënë se ishte një shofer policie dhe pastaj i ka treguar armën në qesen e tij

Ilustrim

Një burrë 78-vjeçar është arrestuar të hënën, pasi u përpoq të ushtronte presion ndaj një vajze të re në metron e qytetit të Berlinit, duke i drejtuar asaj armën, shkruan ‘The Local’.

Pas hipjes në trenin nëntokësor në vijën U6 në veri të qytetit, i moshuari në mënyrë agresive ka kërkuar që gruaja 25-vjeçare t’i lironte vendin, raporton policia gjermane, përcjell albinfo.ch.

Ai i kishte thënë se ishte një shofer policie dhe pastaj i ka treguar armën në qesen e tij.

Edhe kjo strategji duket se ka dështuar. Policia ka raportuar se e ka arrestuar atë.

Policia mori emrin e tij, dhe konfiskoi armën, që rezultoi se ishte bosh. Ai tani akuzohet se ka mashtruar duke thënë se ishte oficer policie dhe për thyerjen e ligjit mbi posedimin e armëve.