“8 marsi”: Urimi thumbues për kryetaren e Manastirit

Në ditën e “8 marsit” kur shumica e grave e përjetojnë me urime të veçanta nga të afërmit e tyre, kjo ka ndodhur mjaft ndryshe për të parën e komunës së Manastirit, Natasha Petrovska.

Urimi melankolik ka ardhur nga grupi i këshillëtarëve “Ndryshe” të komunës së Manastirit. Ata kanë marrë një dru të vogël dhe e kanë mbjellur në një gropë në rrugë, duke ia ngjitur një mesazh “Urime 8 marsi” dhe “vozitni me kujdes”.
Kryetarja nga rradhët e LSDM, Petrovska, akuzohet nga opozita se deri tani nuk ka bërë asgjë për qytetin, përveç që “ka punësuar vëllain e saj”.