82 për qind e parave të botës shkojnë te një përqindëshi i popullatës

Vetëm 42 persona kanë pasurinë e njëjtë sa 50 për qind e botës, ka gjetur një studim nga organizata “Oxfam”.

Në një raport të publikuar të hënën, “Oxfam” ka bërë ftesë për rrudhje të diferencës së madhe mes njerëzve super të pasur dhe pjesës tjetër të botës.

Rreth 82 për qind e parave që u gjeneruan çdo vit shkuan te një përqindëshi më i pasur, teksa gjysma e varfër nuk pati ngritje fare.

“Oxfam” thotë se të dhënat e tyre, që nga shumë njerëz janë kritikuar, kanë treguar se shpërblimet më të mëdha ekonomike janë të koncentruara për njerëzit në maje. Organizata ka cituar evazionin fiskal, erozionin e të drejtave të punëtorit dhe ndikimin në vendimet politike si arsye për dallimin e madh mes shtresave, transmeton Albinfo.ch.

Të dhënat kanë zbuluar se pasuria e miliarderëve u rrit për 13 për qind në mesatare në vit në dekadën 2006-2015. Vitin e shkuar miliarderët kishin pasuri 762 miliardë dollarë – mjaftueshëm për t’i dhënë fund varfërisë ekstreme rreth shtatë herë. Po ashtu thuhet se 9 në 10 miliarderë ishin burra. Gjithsej janë 2043 miliarderë.