Protesta ulur ia zgjat për 3 ditë qëndrimin në Gjermani familjes kosovare

Një familje azilkërkuesish kosovare duhej të dëbohej javën e kaluar nga Gjermania. Aksioni policor për dëbimin e tyre, i bërë pa paralajmërim ka shqetësuar shumë familjarët dhe ka shkaktuar një reagim emocional të tyre. Mënyra e papërshtatshme e veprimit të policisë ka shkaktuar një rezistencë në mesin e mbështetësve gjermanë të azilkërkuesve.

Ata kanë bërë një bllokadë duke qëndruar ulur para shtëpisë së azilit, për të penguar transportimin e familjes. Ky aksion ka pasur një sukses relativ, pasi që autoritetet kanë vendosur ndërkohë që familjes kosovare t`i lejohet qëndrimi edhe për tri dtë të tjera. Gjatë kësaj kohe ata mund të përgatiten për kthim «vullnetar» në Kosovë.
Të Gjelbrit e Augsburgut kanë kritikuar veprimin e autoriteteve, që sipas tyre ka shkaktuar traumatizimin e familjes dhe përbën shkeljee të të drejtave të njeriut.
Nga ana tjetër përfaqësuesit e qytetit thonë se familja ka pasur kohë të mjaftueshme për të organizuar kthimin e tyre por ajo është fajtore se nuk ka kooperuar me autoritetet për të huaj.