Sarajevë, 11 të arrestuar, të dyshuar për lidhje me ISIS

Policia boshnjake ka arrestuar 11 vetë të dyshuar për lidhje me Shtetin Islamik ISIS dhe ekstremistët e këtij grupi që luftojnë në Siri dhe Irak.

Prokuroria e vendit tha në një deklaratë se kontrollet në zonën e kryeqytetit, Sarajevë, kishin vënë në shënjestër 15 persona dhe policia gjeti të dhëna që linin të kuptohej për lidhje me strukturat e Shtetit Islamik, raportojnë mediat boshnjake, përcjell albinfo.ch.

Bastisjet u kryen pranë barrakave të ushtrisë në rrethinën e Rajlovacit, ku një person i armatosur vrau dy ushtarë boshnjakë në nëntor, në një sulm që autoritetet e cilësuan akt terrorizmi.