Për shkak të mjegullës, anulohen disa fluturime

Në Aeroportin "Adem Jashari" në Prishtinë janë anuluar disa flurime, për shkka të mjegullës së dendur

Pavarësisht paralajmërimeve se fluturimet nga Aeroporti Ndërkombëtar “Adem Jashari” do të zhvillohen normalisht, sot nga mjegulla e dendur ka lajme jo të mira. Sipas mediave, këtë diel (sot) vetëm dy fluturime pritet që të realizohen nga Aeroporti i Prishtinës, ndërsa të gjitha fluturimet tjera janë anuluar për shkak të mjegullës së dendur.

IO raporton se nga të gjitha fluturimet e planifikuara, vetëm dy prej tyre janë shtyrë ndërkaq të tjerat janë anuluar. Ndër fluturimet e anuluara janë ato të destinacionit Prishtinë- Stamboll, Prishtinë-Cyrih si dhe Prishtinë-Bazel, Prishtinë-Milano e të tjera.

Zëdhënësja e aeroportit “Adem Jashari” , Valentina Gara, ka thënë se që nga mesnata, në Aeroportin e Prishtinës nuk është realizuar më asnjë fluturim. Ajo ka thënë se shkak është mjegulla e dendur e cila po mbretëron ditën e sotme. “Qysh mbrëmë në mesnatë nuk është realizuar më asnjë fluturim. Ndërkaq sot të gjitha fluturimet janë anuluar”, ka thënë Gara