Me iniciativën e SVP-së, 439 sekondo do të ishin dëbuar nga Zvicra

Nëse do të niste zbatimi i iniciativës nga vitin 2014, shumë më shumë emigrantë të gjeneratës së dytë do të ishin dëbuar vitin e kaluar se sa tani kur është planifikuar zbatimi i iniciativës së SVP-së.
Edhe pse të huajt janë lindur dhe rritur këtu, ata janë të kërcënuar me deportimin nëse fillon zbatimi i iniciativës për dëbimin e të huajve kriminelë. Sipas të dhënave nga Zyra Federale e Statistikave, 439 sekondo do të ishin dëbuar vitin e kaluar sikur nisma e deportimit do të zbatohej, ndërsa me mënyrën se si e sheh aktualisht Parlamenti, më shumë se 251 emigrantë të brezit të dytë do të duhej të kishin lëshuar Zvicrën, raporton “Sonntagszeitung” , përcjell albinfo.ch.

Dallimi duket të jetë edhe më i madh, për shkak se 251 sekondot mund të mbështeteshin në versionin parlamentar të klauzolës së vështirësive, e cila parashikon përjashtime të veçanta për brezin e dytë të emigrantëve.

“Gjykata mund të përmbahet nga dëbimi në qoftë se kjo do të shkaktonte një vështirësi serioze personale për një të huaj”.

Avokati dhe eksperti i migracionit, Marc Spescha, bazohet në faktin se numri i secondove të dëbuar në mënyrë efektive me zbatimin parlamentar do të ishte dukshëm më i vogël se 251.
Me implementimin parlamentar të inciativës në shumë raste nuk justifikohen edhe dëbimet nga marrëveshja për lëvizjen e lirë me BE-në.