Putin sërish e krahason Krimenë me Kosovën

Në një intervistë për gazetën gjermane "Bild”, Vladimir Putin ka thënë se çdo komb ka të drejtën e vetëvendosjes. Nëse këta e ka pasur Kosova, pse nuk e ka Krimea? pyet ai

Presidenti i Rusisë, Vladimir Putin e ka konsideruar demokratike aneksimin e Krimesë, duke e ndërlidhur atë me çështjen e Kosovës. Ai ka thënë se demokraci është e njëjtë për të gjithë, prandaj nëse Kosova pa pasur të drejtën të pavarësohet nga Serbia, këtë e ka edhe isha krahina e Ukrainës-Krimea.

Ai në një intervistë për gazetën gjermane “Bild” ka thënë njerëzit janë më të rëndësishëm se kufijtë dhe territoret, duke përsëritur se Rusia respekton të drejtën ndërkombëtare në rast të aneksimit të Krimesë.

“Ne nuk kemi bërë luftë, nuk kemi qëlluar, askush nuk është vrarë”, ka thënë Putin dhe shpjegoi se shumica e qytetarëve votuan për aneksimin e Krimesë në Rusi, dhe kjo sipas tij është demokracia.

“E drejta ndërkombëtare duhet të respektohet. Dhe kjo ndodhi në rastin e Krimesë. Sipas Kartës së OKB-së, çdo komb ka të drejtën e vetëvendosjes”, ka shtuar më tej Putin, transmeton TG. Si shembull, ai ka përmendur Kosovën, duke thënë se trupat e Kombeve të Bashkuara kanë vendosur që Kosova mund të bëhet e pavarur nga Serbia.

“Kosova shpalli pavarësinë dhe e gjithë bota e ka pranuar atë, por çfarë e shkaktoi atë? Ishte një vendim i Parlamentit. Ata nuk kanë pas as edhe referendum”, ka thënë më tej Putin, përcjellin mediat e huaja.

Në konstatimin e gazetarit të “Bild” se qeveria e mëparshme serbe kishte realizuar një luftë kundër shqiptarëve të Kosovës dhe mijëra prej tyre ishin dëbuar, gjë e cila ka dallim me rastin e Krimesë, përgjigja e Putin ka qenë se “është fakt se ishte një luftë e gjatë në të cilën Serbia dhe Beogradi ishin bombarduar dhe sulmuar me raketa”.

“Kjo ishte ndërhyrja ushtarake e Perëndimit dhe NATO-s kundër pjesës tjetër të Jugosllavisë”, ka thënë ai duke shtruar pyetjen: “në qoftë se kosovarët kanë të drejtë për vetëvendosje, pse njerëzit në Krime nuk mund ta kenë atë”. “Unë do të thosha: të gjithë duhet të respektojnë rregullat uniforme ndërkombëtare, dhe jo t’i ndryshojnë ato sa herë që të duan”, ka thënë Putin.