Akuza Aeroportit të Gjenevës për trajtim të paligjshëm të punëtorëve

Kur kishin shkuar të punonin më 23 dhjetor, punëtorëve (të gjithë myslimanë) u ishte ndaluar hyrja në aeroport. Punëdhënesi i kishte drejtuar ata në polici ndërsa ajo, te shërbimi sekret francez

Nga frika prej sulmeve të islamistëve, Aeroporti i Gjenevës ka bërë një ashpërsim te theksuar të masave të sigurisë. Rreth 10 mijë të punësuar të këtij aeroporti të cilët kanë qasje në zonën e sigurisë është dashur të testohen sërish. Nga këto testime, 30 deri 50 veta kanë «rënë në provim» gjegjësisht kanë mbetur pa qasjen në zonën e përmendur.

Atyre u është marrë leja zyrtare për një gjë të tillë, ndërkohë që nuk u është ofruar asnjë sqarim, shkruan srf.ch.

Avokati i pesë nga punëtorët të cilëve u është marrë leja, akuzon aeroportin se nuk ka vepruar në bazë të parimeve të shtetit juridik. Kështu, klientët e tij tash do të kërkojnë një sqarim përmes gjyqit, përse u është mohuar qasja në aeroport. Veç kësaj ata do të kërkojnë edhe dëmshpërblim.
Kur kishin shkuar të punonin më 23 dhjetor, punëtorëve në fjalë u ishte ndaluar hyrja në aeroport, transmeton albinfo.ch mediet zvicerane. Punëdhënësi i kishte drejtuar ata në polici ndërsa ajo, te shërbimi sekret francez.
Edhe sot, rreth tri javë më vonë, gjendja vazhdon të mbetet e njëjtë dhe e pasqaruar. Autoritetet vazhdojnë të heshtin. Shumica e personave të prekur nga kjo, janë meshkuj që kanë kryer punë të rënda si bartje të valixheve, kanë qenë të paguar dobët dhe me banim në Francë. Ndërsa e përbashkëta e tyre tjetër është se të gjithë janë myslimanë, disa me emra arabë  e disa, turq, por të gjithë të integruar mirë dhe pa proleme me ligjin, thotë avokati.