Lirohet me kusht nga dënimi me burg të përjetshëm, vret sërish

Lirimi pas mbajtjes së 15 viteve burg, i një të dënuari me burgim të përjetshëm për vrasje të dyfishtë në Kantonin e Solothurnit ka ngjallur polemika në mediet zvicerane. Sipas ekzekutivit të këtij kantoni, gjihçka ka shkuar në mënyrë korrekte, shkruan nzz.ch. Nuk ka pasur kurrfarë indikacioni se personi në fjalë mund të bëhet recidivist gjegjësisht të perfshihet në vrasje tjera.

Të gjitha ekspertizat kanë dhënë të njëjtin përfundim.

Bëhet fjalë për një person i cili në vitin 1994 kishte vrarë dy veta në kantonin e Solothurnit. Edhe pse qe dënuar me burg të përjetshëm, kur i kishte mbushur 15 vjet burg ai ishte liruar me kusht nga gjykata, transmeton albinfo.ch. Por pasi që ministria e brendshme e kantonit kishte refuzuar, lirimi i tij qe shtyrë deri në vitin 2011.

Ndërkaq, më 12 nëntor të vitit 2015, rreth katër vjet pas lirimit ai sërish është implikuar në një krim. Personi sot 61 vjeçar dyshohet se ka therur një grua 64 vjeçare në Frenkendorf. Por hetimet nuk janë përmbyllur.