Acari kërcënon fëmijët e refugjatëve sirianë

Disa fëmijë sirianë janë kërcënuar nga acari gjatë kalimit nga Turqia për në Greqi. Ata janë ndalur në ishullin Lesbos

Moti i ftohtë me reshje bore që ka përfshirë një pjesë të madhe të Evropës ka kërcënuar refugjatët nga Lindja e Mesme që kanë mësyrë Bashkimin Evropian. Më së keqi e kanë përjetuar fëmijët sirianë që po përballën me të ftohtin gjatë kalimit nga Turqia për në Greqi nëpërmjet ishullin Lesbos.

Këta fëmijë ishin në mesin e një grupi të refugjatëve të cilët sfiduan temperaturat dimërore dhe erërat e forta gjatë kalimit në ishull. Fëmijët janë pjesë e qindra mijëra emigrantëve të tjerë të cilët kanë bërë të njëjtën rrugë vitin e kaluar, transmeton zëri. Atyre u janë dhënë batanije që mos të mërdhinë.