Amman: “Momentet e reflektimit, të rëndësishme në kohë krizash”

Momentet e reflektimit, të tilla çfarë i ofron WEF-i, po bëhen gjithnjë më të rëndësishme. Kjo para së gjithash në një botë e cila asnjëherë nuk rri në heshtje

Keystone

Forumi Ekonomik Botëror (WEF) i Davosit, i cili ka filluar mbrëmë, hapjen e tij zyrtare e ka pasur pasditen e sotme. Atë e ka bërë me një fjalim zyrtar presidenti i Federatës së Zvicrës, Johann Schneider-Ammann në cilësinë e nikoqirit.

Amman ka thënë me këtë rast se «momentet e reflektimit, të tilla çfarë i ofron WEF-i, po bëhen gjithnjë më të rëndësishme. Kjo para së gjithash në një botë e cila asnjëherë nuk rri në heshtje. Një gjë e tillë mund të shihet në zhvillimet aktuale të 12 muajve të fundit, shkruan srf.ch, transmeton albinfo.ch.

«Vërtet asnjë kohë nuk është e qetë por megjithatë para një viti gjendja në botë ishte paksa më stabile». Ishte pra koha para shpërthimit të krizës së madhe të refugjatëve, për të cilën Ammann e kishte fjalën.

Më tutje Amman në fjalën e tij të hapjes ka theksuar se Zvicra ka një traditë të gjatë për sa i përket dialogut dhe debatit, prandaj dhe Forumi i Davosit shkon pikërisht në këte drejtim.