Sulmohen me gaz lotsjellës dhe grushta dy refugjatë shqiptarë

Njëri nga sulmuesit e kishte goditur atë me grusht, pa asnjë paralajmërim. Po ashtu të dyve u eshtë hedhur gaz lotsjellës në fytyrë

Dy shqiptarë dhe dy sirianë janë sulmuar pa asnjë shkas me shishe gazi dhe dhe me grushta nga tre persona të panjohur. Dy sirianët i kanë treguar kujdestarit në kampin e azilit se në stacionin hekurudhor në Rathenow janë ndjekur nga tre meshkuj që kishin dalë nga një lokal, shkruan mazonline.de. Pasi që dy sirianët kanë ikur, njëri nga sulmuesit i ka gjuajtur me një objekt të ngjashëm me shishe por nuk ka mundur t`i qëllojë.

Mirëpo policia që ka kontrolluar vendine ngjarjes nuk ka gjetur gjurmë të ndonjë objekti.

Ndërsa sulmin tjetër e kanë paraqitur dy azilkërkues shqiptarë, transmeton albinfo.ch. Njëri, 31 vjeçar, ka njoftuar policinë se ai dhe shoqëruesi i tij 29 vjeçar janë sulmuar nga tre persona derisa ishin duke ecur. Njëri nga sulmuesit e kishte goditur atë me grusht, pa asnjë paralajmërim. Po ashtu të dyve u eshtë hedhur gaz lotsjellës në fytyrë, por ata nuk kanë dashur të kontrollohen nga mjeku.

Në ikje e sipër, dy të sulmuarit kanë lënë një biçikletë që e kishin me vete. Kur janë kther pas një kohe për ta marrë, biçikleta ishte zhdukur

Në të dy rastet është ushtruar kallëzim penal dhe hetimet jane duke vazhduar.