Manchester City, 50 milionë euro për Xhakën!

Trajneri i ardhshëm i Cityt, Pep Guradiola është një fans i madh i Xhakës dhe ai po kërkon me ngulm për ta transferuar lojtarin shqiptar

50 milion¨3 euro është i gatshëm të shpenzojë Manchester City për ta transferuar Granit Xhakën.

Granit Xhaka mund të bëhet futbollisti më i shtrenjtë shqiptar. Ekipi i njohur anglez, Manchester City është i interesuar për mesfushorin e Borussia Mönchengladbachut, Granit Xhaka.

Sipas gazetës gjermane bild, trajneri i ardhshëm i Cityt, Pep Guradiola është një fans i madh i Xhakës dhe ai  po kërkon me ngulm për ta transferuar lojtarin shqiptar, transmeton “albinfo.ch”.

Për këtë arsye klubi anglez është i gatshëm të shpenzojë 50 milionë euro për shërbimet e tij.

Kjo nuk është skuadra e vetme angleze që po interesohet për Xhakën.  Për të, kanë shprehur interesim edhe dy skuadra tjera, Arsenal dhe Chelsea.

Në anën tjetër edhe Xhaka nuk e fsheh dëshirën për të luajtur sezonin e ardhshëm në premierë ligën angleze. “Të luaj në Angli është ëndrra ime. Këtë nuk e mohoj dhe dua që kjo ëndërr të më plotësohet”, ka thënë Xhaka, citon “blick.ch”.

Por, a pritet që ai të largohet nga klubi gjerman gjatë verës? “Unë dua vetëm të përqendrohem në futboll. Nuk dëshiroj të flas tutje rreth transferimit. Unë kam kontratë me Mönchengladbach deri në vitin 2019 dhe aktualisht kjo është e gjitha për mua”, është shprehur kapiteni i Mönchengladbach.