Skip to content

Gjykata në Britani shpall të pafajshëm pjesëtarin e FSK-së të akuzuar për përdhunim

Një pjesëtar i Forcës së Sigurisë së Kosovës (FSK), me inicialet B.H., është shpallur i pafajshëm nga Gjykata Crown Court në Norwich të Mbretërisë së Bashkuar, lidhur me akuzën për përdhunim, përcjell albinfo.ch.

Vendimi është marrë të hënën, më 16 nëntor 2026, ndërsa është bërë i ditur nga Ministria e Mbrojtjes e Kosovës.

Sipas njoftimit të ministrisë, gjatë seancës gjyqësore Prokuroria ka konfirmuar se nuk do të paraqesë prova kundër pjesëtarit të FSK-së.

Pas këtij konfirmimi, gjykata ka urdhëruar regjistrimin e vendimit lirues, duke përmbyllur kështu të gjitha procedurat gjyqësore ndaj tij.

Ministria e Mbrojtjes ka ritheksuar përkushtimin ndaj sundimit të ligjit, pavarësisë së drejtësisë dhe respektimit të parimit të prezumimit të pafajësisë./Albinfo.ch