Hiqet “kryqi i thyer” zviceran nga stacionet e trenit

Ndërmarrja Federale Hekurudhore (SBB/CFF) e shtyrë nga presioni i madh publik, ka hequr sot nga stacionet e trenit në Cyrih dhe në Gjenevë, ku ishte varur pllakatin elektronik me kryqin zviceran të devijuar si kryq i thyer nazist. Ky pllakat ishte menduar si kundërshtim ndaj iniciativës së SVP-së për dëbimin e të huajve kriminelë. Ai ishte vendosur në Cyrih nga e hëna ndërsa në Gjenevë nga e marta.

Ndonëse parimisht SBB/CFF është e detyruar të pranojë vendosjen në ambientet e saj pllakatet dhe reklamat tjera politike, reagimet e ashpra të klientëve të prekur thellë, e ka shtyrë ndërmarrjen të heq pllakatet në fjalë. Kështu shkruan ndërmarrja në një komunikatë të saj, trannsmetojnë mediet zvicerane.

Në fakt SBB-ja është e obliguar në bazë të një vendmi të Gjykatës Federale që të lejojë hapësirën e saj për propagandë politike, pasi që bëhet fjalë për një hapësirë publike.

Megjithatë SBB/CFF nuk përzihet në garën politike rreth referendumit, kështu që ajo u ka ofruar atyre që e kishin vendosur më parë pllakatin, të vendosin sërish një pllakat tjetër por pa këtë simbol.