Opozita bashkohet në protestë kundër Thaçit

Shumë protestues të opozitës janë mbledhur para objektit të Parlamentit për të kundërshtuar zgjedhjen e Hashim Thaçit, president të shtetit

Gjysmë ore para se Kuvendi i Kosovë të procedojë me zgjedhjen e presidentit të pesë të Kosovës së pasluftës, shumë protestues të opozitës janë mbledhur para objektit të Parlamenti për të kundërshtuar zgjedhjen e Hashim Thaçit, kryetarit të PDK-së, në krye të Shtetit.

Aktualisht situata është e qetë, ndërsa në shesin “Skënderbeu” janë të vendosura edhe dhjetëra tenda ku po qëndrojnë simpatizantët e opozitës.

Brenda në Kuvend, ndërkaq kanë filluar të hyjnë deputetët e opozitës, të cilët janë deklaruar kundër zgjedhjes së Thaçit president të Kosovës. Sipas opozitës, Hashim Thaçi nuk mund të luaj rolin e unitetit, ashtu siç e kërkon Kushtetuta, sidomos pas nënshkrimit të marrëveshjes për demarkacionin e kufirit me Malin e ZI.