Zviceranët kanë konsumuar 6% më pak çokollatë

Zvicra, i njohur veç tjerash si vend i prodhimit dhe konsumimit të çokollatës cilësore, gjatë vitit të kaluar ka shpenzuar më pak çokollatë, njofton srf.ch. Të 18 prodhuesit zviceranë të kësaj ëmbëlsire gjatë vitit që shkoi kanë shitur afër 6 për qind më pak çokollatë në Zvicër se sa një vit më parë.

Bashkësia e prodhuesve të çokollatës, Chocosuisse, për këtë zvogëlim të prodhimot fajëson verën me temperatura të larta që ka mbretëruar vitin e kaluar, transmeton albinfo.ch. Po ashtu numri i pakësuar i turistëve si dhe shopingu i zviceranëve jashtë vendit kanë ndikuar në këtë drejtim.

Por, megjithatë, prodhuesit e çokollatës gjatë vitit 2015 kanë dalë me një rritje të vogël të qarkullimit, gjegjësisht 0.7% me shumë se një vit më parë. Kjo ka ardhur si rezultat i shtimit të eksportit të çokollatës zvicerane sicomos në vendet aziatike, Oqeani dhe Australi.