Zvicra kandidon për Olimpiadën Dimërore 2026

Komiteti Olimpik i Zvicrës “Swiss Olimpic” mund të fillojë përgatitjet për kandidaturën zvicerane të Lojërave Olimpike Dimërore të vitit 2026. Departamenti sportiv i federatës olimpike e ka hapur kështu rrugën për projektin përkatës të kandidimit për olimpiadë, shkruan srf.ch. Vendimi për këtë është marrë në mënyrë unanime, pa asnjë votë kundër.

Tash fillon procedura e nominimit, e cila zgjat një vjet e gjysmë. Nga fundi i verës së vitit 2017 Swiss Olimpic do të vendosë se çfarë lloj dosieje do të dërgojë si kanidaturë në Komitetin Ndërkombëtar Olimpik.

Në garë, sa i përket vendeve konkrete të Zvicrës ku do të zhvilloheshin lojërat olimpike, mbeten vetëm qytetet dhe regjionet në të cilat popullata para kutisë së votimit vendos me shumicë në favor të tyre.

Votimet për këtë gjë duhet të zhvillohen më së voni në fillim të vitit 2017.