Potencialet turistike kosovare promovohen në Francë

Agjencia për Investime dhe Përkrahjen e Ndërmarrjeve në Kosovë (KIESA), së bashku me përfaqësues të tor operatorëve të Kosovës do të marrin pjesë në panairin e turizmit “Destination Nature”, që do të mbahet nga data 17 – 20 mars 2016, në Paris të Francës.

Gjatë këtij panairi do të promovohen potencialet turistike si dhe  mundësit për investime në këtë sektor në Kosovë.

Pjesëmarrja në këtë panair realizohet nga KIESA në bashkëpunim me Empower Project – USAID dhe Swiss Contact – PPSE.

Panairi “Destination Nature”,  është një prej panaireve më të rëndësishme në fushën e turizmit në veçanti të udhëtimit dhe aktiviteteve në natyrë.

Në kuadër të panairit do të bëhet edhe promovimi i guidës turistike për Kosovën të Petit Fute, në gjuhën frënge.