7000 qytete fikin dritat për një orë për të ruajtur ambientin

Me rastin e shënimit të “Orës së Tokës”, me qëllim të sensibilizimit të opinionit për rëndësinë që ka kursimi i energjisë në mbrojtjen e mjedisit në qytete në mbarë botën, duke fillura nga Kulla Eifel, Porta e Brandenburgut në Berlin, Shtëpinë e Operës në Sydney i kanë fikur dritat për një orë.

Një aktivitet i tillë është zhvilluar për herë të dhjetë. Në 20: 30 nëpër botë për një orë janë fikur dritat të shtunën mbrëma.
Edhe në Zvicër dritat janë fikur. Katedralja në  Bazel, Ura Chapel në Lucern, fasadat e qytetit të vjetër të Cyrihut, të shtunën në mbrëmje për një orë kanë kthyer errësirën e natës.

Origjina e tyre ishte fushata më 2007 në Australi, të iniciuar nga organizata mjedisore WWF.

Prandaj, „Ora e Tokës“ fillon në Sydney. Por, gjithnjë e më shumë vende janë duke marrë pjesë në këtë aksion.

Sipas faqes së internetit «Earth Hour», mbi 170 vende me më shumë se 7000 qytete janë pjesëmarrëse të këtij aktiviteti mjedisor. Me moton: “Fikni drita në vend për sukses të klimës”.