Rega, çdo 35 minuta nga një fluturim për shpëtim jetësh

Vetëm gjatë korrikut të vitit 2015 Rega ka realizuar 1455 fluturime, që nënkupton një shtim prej 18.3 për qind në krahasim me korrikun e një viti më parë

Foto Ilustrim

Qendra për ndërhyrje të shpëtimit përmes rrugës ajrore Rega, për herë të parë gjatë vitit që shkoi ka organizuar 15 mijë aksione të shpëtimit. Në këtë mënyrë kjo qendër ka realizuar praktikisht në çdo 35 minuta nga një fluturim me helikopter ose me aeroplan në shërbim të shpëtimit të jetëve njerëzore.

Shtimi prej 4.3 për qind në krahasim me vitin paraprak, sipas Rega-s shpjegohet veç tjerash me “verën jashtëzakonisht të ngrohtë dhe të bukur që ka mbizotëruar vitin që shkoi. Dhe kjo verë ka joshur më shumë se zakonisht njerëz për të dalë në natyrë, me çka dhe janë shtuar rreziqet.

Kështu, vetëm gjatë korrikut të vitit 2015 Rega ka realizuar 1455 fluturime, që nënkupton një shtim prej 18.3 për qind në krahasim me korrikun e një viti më parë. Në muajin gusht janë realizuar 1464 ndërhyrje ose 8% më shumë se në gushtin 2014.

Aeroplanët ambulantorë të Rega-s gjatë vitit 2015 në 820 fluturime kanë transportuar 825 pacentë.