Minus 5.5 miliardë për shkak të frangut të fortë

Edhe pse frangu zviceran është dobësuar që nga vera e kaluar, shumë firma zvicerane të eksportit janë ende të prekura nga vlerësimi i monedhës vendëse. 96 për qind e kompanive thanë në një sondazh se ato kanë humbur për shkak të frangut të fortë zviceran jashtë vendit.

Kjo del nga një studim i Fachhochschule në Bernë dhe Euler Hermes, duke analizuar përgjigjet e më shumë se 300 kompanive. Vitin e kaluar, kompanitë zvicerane kanë pësuar humbje në eksport me 5.5 miliardë franga zvicerane, thanë nga Euler Hermes.

“Më 2016 kompanitë eksportuese zvicerane kanë kapur hapin sërish dhe presim të ardhura shtesë nga eksporti me 2.5 miliardë franga”, thuhet në njoftim, përcjell albinfo.ch. Pritjet nga studimi i vitit të kaluar, i cili ishte kryer menjëherë pas heqjes së normës minimale të euros kundrejt frangut  megjithatë nuk janë plotësuar.

55 për qind e të anketuarve duan të krijojnë një prani në tregjet kryesore të eksportit. Një vit më parë kjo shifër ishte vetëm 48 për qind.

Pa ndryshuar, megjithatë, është përqindja e kompanive që duan të bëjnë reduktimin e kostos në Zvicër në franga zvicerane (49 për qind). Gjithashtu, turizmi ndërkufitar është rritur nga 52 deri 53 për qind.