Tërmet 3.2 gradësh në Graubünden

Në epiqendrën e tërmetit duhet të jetë ndjerë një dridhje e fuqishme, por nuk janë regjistruar dëme materiale ose në njerëz

Në Kantonin Graubünden, rreth 12 kilometra në veri të lokalitetit Poschiavo, ka ndodhur në paraditen e të hënës një tërmet. Dridhja e tokës e matur nga Instituti Sizmiologjik në Universitetin ETH, në epiqendrën e saj ka pasur fuqinë prej 3.2 pikësh sipas shkallës së Richterit.

Nisur nga kjo shkallë, në epiqendrën e tërmetit duhet të jetë ndjerë një dridhje e fuqishme, thonë në ETH. Por megjithatë nuk janë regjistruar dëme materiale ose në njerëz.

Në mbrëmjen e të shtunës në Chamonix të Francës, afër kufirit me Zvicrën ka ndodhur një dridhje e tokës. Ky tërmet i matur po ashtu nga Instituti Sizmiologjik në Universitetin ETH ka pasur forcën prej 3.0 pikë sipas shkallës së Richterit.