Vala e gripit në këtë sezon, e pashpjegueshme!

"Të shumtën e rasteve gripi vjen me një valë. Por këtë vit tashmë po ndodh edhe vala e dytë e tij. Përse është kështu, nuk mund ta sqarojnë as ekspertët. Kësaj here e kemi valën e gripit prej 14 javësh dhe kjo është diçka e jashtëzakonshme"

Edhe pse kemi hyrë pothuaj në mesin e prillit, gripi në Zvicër po vazhdon të “bëjë kërdinë”. Mjekët e këtushëm raportojnë për numër jashtëzakonisht të madh të të sëmurëve nga gripi, të pazakonshëm për këtë stinë. Ndërsa në kantonet Graubünden dhe Tesinë raportohet madje për shtim të numrit të rasteve.

Daniel Koch nga Zyra Federale për Shëndetësi (BAG) Daniel Koch thotë për transmetuesin publik (srf) se sezoni i gripit normalisht fillon në janar dhe zgjat nga 8 deri në 10 javë. Mirëpo këtë vit e kemi valën e gripit prej 14 javësh dhe kjo është diçka e jashtëzakonshme”, ka thënë ai.

Të shumtën e rasteve gripi vjen me një valë. Por këtë vit tashmë po ndodh edhe vala e dytë e tij. Përse është kështu, nuk mund ta sqarojnë as ekspertët, ka thënë Koch.

“Ka jashtëzakonisht shumë faktorë që e shkaktojnë dhe që e ndikojnë valën e gripit”.