500 portrete për të sensibilizuar dramën e fëmijëve në zonat e luftës

500 portrete të fëmijëve realë të fotografuar në zonat e krizave humanitare.

Qëllimi i UNICEF-it të Suedisë, i cili ka realizuar këtë animacion 3D, është të tregojë fytyrën e të gjithë fëmijëve “të padukshëm” që janë viktima të luftës dhe të keqtrajtimeve.

Fotografitë janë marrë në Getty Images, ndërsa në projektin e realizuar nga kompania Edelman Deportivo kanë bashkëpunuar animatorët e filmave si Avatar dhe Planeti i Majmunëve.

Përmes kësaj videoje dhe fushatës #FörSofia, UNICEF-i ka si qëllim të sjellë në qendër të vëmendjes dramën e të paktën 250 milionë fëmijëve që në këtë moment jetojnë në zona të konfliktit.

Gjysma e 19.5 milionë refugjatëve në botë janë fëmijë. Emri Sofia, që vjen nga greqishtja antike dhe nënkupton “dijen/diturinë/mençurinë”, u zgjodh sepse në vitin 2015 është cilësuar si emri më shumë i përdorur. Në njëfarë mënyre, në video Sofia thotë: “Unë jam reale. Jam fytyra e të gjithë fëmijëve që vuajnë, e për të cilët nuk flet askush”.