Me iniciativë, kundër dënimit të “raser”-ëve!

Dënimi më i ulët që mund të jepet, ai me marrje të patentshoferit për dy vjet nuk krijon siguri më të madhe në komunikacion, thonë nismëtarët

Ngasësit eksesivë te veturave (emërtimi gjermanisht: Raser) në gjithë Zvicrën ka vite që janë në fokus të opinionit për shkak të aksidenteve që shkaktojnë në trafik, shpesh edhe me pasoja fatale. Për këtë arsye për ta vazhdimisht janë kërkuar dënime shembullore, nga të cilat do të merrnin mësim ata vetë dhe te tjerët.

Por, një iniciativë  popullore që ka dalë së fundi e kërkon të kundërtën. Një shoqatë në Zvicrën Frankofone ka dalë me nismën që “raserët” të mos dënohen kaq rëndë. Atyre aktualisht mund t`u shqiptohet minimalisht një vit burg me kusht., shkrujanë mediat zvicerane Prandaj shoqata  kërkon që të ulen  dënimet e pashembullta për shkelje të vogla në trafik, çfarë parasheh programi i ri për sigurinë në trafik “Via Secura”.

Dënimi më i ulët, si ai me marrje të patentshoferit për dy vjet nuk krijon siguri më të madhe në komunikacion, thonë nismëtarët, transmeton albinfo.ch. Prandaj ata mendojnë që gjyqtarët me rastin e gjykimit për delikte të tilla të kenë më tepër hapësirë veprimi.

Për të sjellë këtë iniciativë në votim, nevojitet që brenda një viti e gjysmë të grumbullohen 100 mijë nënshkrime të vlefshme.

Aktualisht iniciativa nuk e ka mbështetjen e asnjë partie. Megjithatë në komitetin iniciator janë dy deputetë nacionalë: Jean-Luc Addor (SVP/VS) dhe Fabio Regazzi (CVP/TI).

Komiteti deri tash nuk ka mundur fare të zë hapësirë në Zvicrën gjermane.