Qytetet më të mira në Zvicër

Në revistën e biznesit “Bilanz”, Cyrihu udhëheq për cilësinë e jetës, duke zënë vendin e parë. Por befasojnë edhe Winterthur dhe Aarau.

Qyteti i Winterthur në rangimin e këtij viti nga “Bilanz” është përmirësuar çuditërisht nga vendi i pestë duke kaluar në vendin e tretë. Në Winterthur është jeta më e mirë se në qytete si Luzern dhe Bernë, që kanë rrëshqitur poshtë në pozitat 4 dhe 5.

Cilësia e jetës është testuar në një total prej 162 qyteteve. Ekspertët e pronësisë së kompanisë konsulente “Wuest & Partner” kanë përcakuar njëmbëdhjetë kritere të ndryshme të treguesve nga tregu i punës, argëtimi si dhe për atraktivitetin e taksave. Edhe shkollimi ka zënë vend në këtë studim. Këtu Winterthuri është në vendin e parë në mesin e të gjitha qyteteve.

Cyrihu mbetet megjithatë qyteti më tërheqës në Zvicër, i ndjekur nga Zugu.

Fakti se renditja e qyteteve të mëdha ka dominuar, sipas “Patrick Schnorf Wuest & Partner” është për shkak të një game të gjerë të kulturës, argëtimit, shkollimit, mobilitetit dhe infrastrukturës.