Vit i keq për qendrat tregtare zvicerane

Qendrat e tregtare zvicerane kanë bërë më pak shitje vitin e kaluar. Frangu i fortë dhe konkurrenca në rritje nga shitësit online ka ulur poshtë shifrat e shitjes në vitin e kaluar.

Shitjet totale në të gjitha qendrat tregtare zvicerane kishin shënuar rënie në vitin 2015 prej 3 për qind, siç njoftoi Shoqata e industrisë zvicerane të qendrave tregtare.

Blerjet jashtë vendit, erozioni i çmimeve dhe rritja në blerjet online kanë bërë që të zbehet atraktiviteti i blerjeve në qendrat tregtare.

Sipas një studimi nga instituti për hulumtimin e tregut GfK Zvicër, në disa raste janë goditur në mënyrë të konsiderueshme në shitje shtatë nga dhjetë qendrat më fitimprurëse. Qendra Emmen në Emmenbrücke (LU) dhe Qendra Balexert në Gjenevë kanë bërë gati 6 për qind më pak të hyra se sa vitin e kaluar.

Sido që të jetë, në vitet e fundit në Zvicër shumë qendra të reja tregtare i kanë hapur dyert e tyre.